Amasomo ya Misa yo ku wa gatatu [Icyumweru cya 22 gisanzwe, giharwe]

[wptab name=’Isomo: Abanyakolosi 1′]

Isomo ryo mu ibaruwa Pawulo Intumwa yandikiye Abanyakolosi 1,1-8

Jyewe Pawulo, intumwa ya Yezu Kristu, uko Imana yabishatse, n’umuvandimwe wacu Timote, ku batagatifujwe b’i Kolosi, kuri mwebwe, bavandimwe b’indahemuka muri Kristu: tubifurije ineza n’amahoro biva ku Mana Umubyeyi wacu. Turashimira Imana, Se w’Umwami wacu Yezu Kristu, kandi tukanabasabira ubudahwema, kuva aho twumviye ukwemera mufitiye Yezu Kristu, n’urukundo mugirira abatagatifujwe bose, mubitewe no kwizera ibyiza bibagenewe mu ijuru. Ayo mizero mwayamenyeshejwe n’ijambo ry’ukuri, ari yo Nkuru Nziza yageze iwanyu. Nk’uko irumbuka kandi igakwira ku isi yose, no muri mwe ni ko bimeze, kuva aho mwumviye kandi mukamenya by’ukuri ingabire y’Imana. Mugenzi wacu Epafurasi dufatanyije umurimo, ni we wayibigishije. Uwo mugaragu w’indahemuka wa Yezu Kristu ubakorera mu kigwi cyacu, yanatumenyesheje urukundo mwasenderejwe na Roho Mutagatifu.

[/wptab]

[wptab name=’Zaburi ya 51 (52)’]

Zaburi ya 51 (52), 10,11

Naho jyewe, ak’umuzeti watohagiriye mu Ngoro y’Imana,

mpora nizigiye ubuntu bwayo!

Iteka ryose nzahora ngushimira ibyo wakoze!

Niringiye izina ryawe, kuko ryuje ineza,

nzaryamamariza imbere y’abayoboke bawe.

[/wptab]

[end_wptabset]