Ivanjili ya Mutagatifu Mariko 10,28-31 – [Ku wa kabiri, Icya 8, A]

Nuko Petero araterura, aramubwira ati «Dore twebwe twasize byose turagukurikira.» Yezu arasubiza ati «Ndababwira ukuri, nta we uzaba yarasize urugo, cyangwa abavandimwe be, cyangwa bashiki be, cyangwa nyina, cyangwa se, cyangwa abana, cyangwa isambu ye, ari jye abigirira n’Inkuru Nziza, ngo abure kwiturwa karijana muri iki gihe, ari amazu, ari abavandimwe, ari na bashiki be, na ba nyina, n’abana n’amasambu, ariko n’ibitotezo bitabuze, kandi no mu gihe kizaza, akaziturwa ubugingo bw’iteka. Benshi mu ba mbere bazaba aba nyuma, n’aba nyuma babe aba mbere.»